മലപ്പുറം: മലപ്പുറം മച്ചിങ്ങൽ ബൈപ്പാസിൽ റോഡിൽ ഓയിൽ വീണു ഇരുചക്ര വാഹനങ്ങൾ തെന്നി മറിഞ്ഞു യാത്രക്കാർ അപകടത്തിൽ പെട്ടു.പരിക്ക് പറ്റിയ യാത്രക്കാരെ ആശുപത്രിയിൽ പ്രവേശിപ്പിച്ചു.മച്ചിങ്ങൽ മുണ്ടുപറമ്പ് ബൈപ്പാസിൽ ഇറക്കവും വളവും ചേർന്ന ഭാഗത്തു നൂറു മീറ്ററോളം നീളത്തിലാണ് ഓയിൽ പരന്നൊഴുകിയത്.ഇതിലൂടെ കടന്നു പോയ കരിഓയിൽ കൊണ്ടു പോവുന്ന ലോറിയിൽ നിന്നും ഓയിൽ വീഴുകയായിരുന്നു.ഞായറാഴ്ച ഉച്ചക്ക് പന്ത്രണ്ടു മണിയോടെയാണ് സംഭവം.നാട്ടുകാർ വിവരമറിയിച്ചതിനെ തുടർന്ന് സ്ഥലത്ത് എത്തിയ മലപ്പുറം അഗ്നിരക്ഷാ സേന ഓയിലിന് മുകളിൽ മരപ്പൊടി വിതറി റോഡ് ഗതാഗതയോഗ്യമാക്കി.സീനിയർ ഫയർ ഓഫീസർ കെ മുഹമ്മദ് കുട്ടിയുടെ നേതൃത്വത്തിൽ ഫയർ ആൻഡ് റെസ്ക്യൂ ഓഫീസർമാരായ കെ സി മുഹമ്മദ് ഫാരിസ്,ആർ ശ്രീജിത്ത് ഫയർ ആൻഡ് റെസ്ക്യൂ ഓഫീസർ ഡ്രൈവർ എം ഫസലുള്ള ഹോം ഗാർഡ് അശോക് കുമാർ തുടങ്ങിയവർ രക്ഷാ പ്രവർത്തനത്തിൽ പങ്കെടുത്തു