മലപ്പുറം കല്പകഞ്ചേരി: കല്പകഞ്ചേരി മേലങ്ങാടിയില് കാര് മൂന്ന് വാഹനങ്ങളില് ഇടിച്ച് നാല് പേര്ക്ക് പരിക്കേറ്റു. ബുധനാഴ്ച രാവിലെ 9.45നായിരുന്നു അപകടം സംഭവിച്ചത്.
പുത്തനത്താണി ഭാഗത്തുനിന്ന് വന്ന കാറാണ് എതിര്ദിശയില് പോവുകയായിരുന്ന രണ്ട് ബൈക്കുകളിലും നിര്ത്തിയിട്ട ഓട്ടോയിലും ഇടിച്ചത്. ഓട്ടോ ഡ്രൈവര് കല്പകഞ്ചേരി സ്വദേശി കോതങ്കളത്തില് ജലീല്, കടയുടമ കല്ലൻ ജലീല്, ബൈക്ക് യാത്രികരായ വെള്ളച്ചാല് സ്വദേശി സനല്, കല്പകഞ്ചേരി പഞ്ചായത്ത് വി.ഇ.ഒ ലെനിൻ പീറ്റര് എന്നിവര്ക്കാണ് പരിക്കേറ്റത്. ഇടിയുടെ ആഘാതത്തില് സമീപത്തെ കടക്കും നാശം സംഭവിച്ചിട്ടുണ്ട്. കടുങ്ങാത്തുകുണ്ട് സ്വദേശിയുടെ കാറാണ് അപകടത്തില്പ്പെട്ടത്. കാറിന്റെ അമിതവേഗതയാണ് അപകടത്തിന് കാരണമെന്ന് നാട്ടുകാര് പറഞ്ഞു