മലപ്പുറം: മലപ്പുറം കാരാത്തോട് നൂറക്കാടിൽ ഇരുപത്തിഅഞ്ചു അടി താഴ്ചയുള്ള കിണറിൽ വീണ പശുകുട്ടിക്ക് രക്ഷകരായി മലപ്പുറം അഗ്നി രക്ഷാ സേന.വ്യഴാഴ്ച ഉച്ചക്ക് പന്ത്രണ്ടു മണിയോടെ ആണ് സംഭവം.കാരത്തോട് ഊരകം സ്വദേശി ആലിപ്പറമ്പിൽ മുബീറിന്റെ ഉടമസ്ഥതയിലുള്ള എട്ടു മാസം പ്രായമായ പശുക്കിടാവാണ് കിണറ്റിൽ വീണത്.വീടിനു സമീപത്തെ ഒഴിഞ്ഞ പറമ്പിലെ ആൾമറ ഇല്ലാത്ത കിണറിൽ അബദ്ധത്തിൽ വീഴുകയായിരുന്നു.വിവരമറിഞ്ഞു മുണ്ടുപറമ്പ് അഗ്നി രക്ഷാ സ്ഥലത്തു എത്തുമ്പോൾ പശുക്കിടാവ് വെള്ളത്തിൽ കിടന്നു അവശ നിലയിൽ ആയിരുന്നു. സേന അംഗം കെ സുധീഷ് സേഫ്റ്റി ഹാർനെസ്സും റോപ്പും ഉപയോഗിച്ച് കിണറിൽ ഇറങ്ങി പശുകുട്ടിയെ ബെൽറ്റ് ധരിപ്പിച്ചു മറ്റു സേന അംഗങ്ങളുടെയും നാട്ടുകാരുടെയും സഹായത്തോടെ മുകളിലേക്ക് വലിച്ചു കയറ്റി.ചെളി നിറഞ്ഞ കിണറിൽ അഞ്ചടി പൊക്കത്തിൽ വെള്ളമുണ്ടായിരുന്നു.അസിസ്റ്റന്റ് സ്റ്റേഷൻ ഓഫീസർ ആർ സജീവ് കുമാറിന്റെ നേതൃത്വത്തിൽ മറ്റു ഫയർ ആൻഡ് റെസ്ക്യൂ ഓഫീസർമാരായ അബ്ദുൽ ജബ്ബാർ, പി അമൽ,ഫയർ ആൻഡ് റെസ്ക്യൂ ഓഫീസർ ഡ്രൈവർ വി പി നിഷാദ്, ഹോം ഗാർഡ് വി ബൈജു തുടങ്ങിയവർ രക്ഷാ പ്രവർത്തനത്തിൽ പങ്കെടുത്തു