പാലക്കാട് മണ്ണാര്‍ക്കാട് : നഗരത്തില്‍ പള്ളിപ്പടിക്ക് സമീപം ലോറിയും സ്‌കൂട്ടറും കൂട്ടിയിടിച്ച് സ്‌കൂട്ടര്‍ യാത്രക്കാരന്‍ മരിച്ചു. മണ്ണാര്‍ക്കാട് പറമ്പുള്ളി നടക്കാവില്‍ വീട്ടില്‍ ജയരാജന്‍ (65) ആണ് മരിച്ചത്.ഇന്ന് വൈകിട്ട് എട്ടുമണിയോടെയായിരുന്നു അപകടം. പാലക്കാട് ഭാഗത്ത് നിന്നും കോഴിക്കോട് ഭാഗത്തേക്ക് പോവുകയായിരുന്നു ലോറി. ലോറിയുടെ അരികിലൂടെയാണ് സ്‌കൂട്ടര്‍ സഞ്ചരിച്ചിരുന്നത്. ഇതിനിടെ ലോറിയിൽ തട്ടി റോഡിലേക്ക് വീണ ജയരാജന്റെ തലയിലൂടെ ലോറി കയറിപോയതായാണ് പറയപ്പെടുന്നത്. ഇദ്ദേഹം സംഭവ സ്ഥലത്ത് വെച്ചുതന്നെ മരിച്ചു. മൃതദേഹം താലൂക്ക് ആശുപത്രി മോര്‍ച്ചറിയില്‍. ഭാര്യ : മോഹിനി. മക്കള്‍: ജിതേഷ്, ജനീഷ്, ജിത.