കോഴിക്കോട് ഉള്ള്യേരി: തെരുവത്ത് കടവില് സ്വകാര്യ ബസും സ്കൂട്ടറും കൂട്ടിയിടിച്ച് ഗുരുതരമായി പരിക്കേറ്റ സ്കൂട്ടര് യാത്രികന് മരിച്ചു. നടുവണ്ണൂര് ജവാന് ഷൈജു സ്മാരക ബസ് സ്റ്റോപ്പിന് പിറകില് താമസിക്കുന്ന കരുണാലയത്തില് നൊട്ടോട്ട് മുരളീധരന് ആണ് മരിച്ചത്. അന്പത്തിയേഴ് വയസായിരുന്നു.
ഇന്നലെ ഉച്ചയ്ക്ക് മൂന്നരയോടെയായിരുന്നു അപകടം നടന്നത്. കോഴിക്കോട് നിന്ന് കുറ്റ്യാടി ഭാഗത്തേക്ക് പോകുകയായിരുന്ന എ.സി ഗ്രൂപ്പിന്റെ ബസ് മുരളീധരന് സഞ്ചരിച്ച സ്കൂട്ടറില് ഇടിക്കുകയായിരുന്നു. ഗുരുതരമായി പരിക്കേറ്റ മുരളീധരനെ ഉടനെ തന്നെ നാട്ടുകാര് ഉള്ള്യേരിയിലെ സ്വകാര്യ ആശുപത്രിയിലെത്തിച്ചു. ഇവിടെ നിന്നും പിന്നീട് കോഴിക്കോട് മെഡിക്കല് കോളേജിലേക്ക് മാറ്റി. ഇവിടെ ചികിത്സയിലിരിക്കെയാണ് ഇന്ന് പുലര്ച്ചെയാണ് മരണം സംഭവിച്ചത്.