തമിഴ്‌നാട്ടിലെ ശിവഗംഗയിൽ ബസുകൾ കൂട്ടിയിടിച്ച് അപകടം; പതിനൊന്ന് പേർക്ക് ദാരുണാന്ത്യം , നിരവധി പേർക്ക് പരിക്ക്

 

ചെന്നൈ:  തമിഴ്‌നാട്ടിലെ ശിവഗംഗയിൽ ബസുകൾ കൂട്ടിയിടിച്ച് അപകടം. പതിനൊന്ന് മരണം, നിരവധിപേർക്ക് ഗുരുതര പരിക്കേറ്റു. സർക്കാർ ബസുകളാണ് കൂട്ടിയിടിച്ചത്.

തിരുപ്പത്തൂർ- കാരക്കുടി റോഡിൽ പിള്ളയാർപട്ടിക്ക് സമീപം കുമ്മങ്കുടിയിലാണ് അപകടമുണ്ടായത്. തിരുപ്പൂത്തൂരിൽ നിന്ന് കാരക്കുടിയിലേക്ക് വരികയായിരുന്ന ബസും കാരക്കുടിയിൽ നിന്ന് ദിണ്ഡിഗലിലേക്ക് വരികയായിരുന്ന ബസും കുമ്മങ്കുടി പാലത്തിന് സമീപം നേർക്കുനേർ ഇടിക്കുകയായിരുന്നു