കണ്ണൂര്: 50 വയസ്സുകാരിയെ ലോഡ്ജ് മുറിയില് മരിച്ച നിലയില് കണ്ടെത്തി. കണ്ണൂര് ജില്ലയിലെ പറശ്ശിനിക്കടവിലാണ് സംഭവം. കണ്ണപുരം അയ്യോത്ത് സ്വദേശി കെവി സീമ ആണ് മരിച്ചത്
സമ്മര്ലാന്റ് ഇന് ലോഡ്ജില് ആണ് മൃതദേഹം കണ്ടെത്തിയത്. ഇവര്ക്കൊപ്പം ഉണ്ടായിരുന്ന അയ്യോത്തെ കടേല്പറമ്പില് വീട്ടില് കെ പി വിജയനെ തൂങ്ങിമരിച്ച നിലയിലും കണ്ടെത്തി. കഴിഞ്ഞ ദിവസം രാത്രിമുതല് ഇയാള്ക്ക് വേണ്ടിയുള്ള തെരച്ചില് നടക്കുന്നതിനിടെയാണ് മരിച്ച നിലയില് കണ്ടെത്തിയത്.
മാട്ടൂലില് യുപി സ്കൂളിന് സമീപത്താണ് വിജയനെ തൂങ്ങിമരിച്ച നിലയില് കണ്ടെത്തിയത്. ബുധനാഴ്ചയാണ് സീമയും വിജയനും പറശിനിക്കടവിലെ സമ്മര്ലാന്റ് ഇന് ലോഡ്ജില് മുറിയെടുത്തത്. വൈകുന്നേരത്ത് മുറി പൂട്ടി വിജയന് പുറത്തുപോവുകയും ചെയ്തു.
ഇയാള് മടങ്ങിയെത്താത്തിനെ തുടര്ന്ന് ലോഡ്ജ് അധികൃതര് ഫോണില് ബന്ധപ്പെടാന് ശ്രമിച്ചെങ്കിലും സ്വിച്ച് ഓഫ് ആയിരുന്നു. തുടര്ന്ന് പൊലീസില് വിവരം അറിയിക്കുകയായിരുന്നു. അതിന് ശേഷം പോലീസ് സ്ഥലത്തെത്തി മുറി തുറന്നപ്പോഴാണ് സീമയെ മരിച്ച നിലയില് കണ്ടൈത്തിയത്.
നേരത്തെയും ഇരുവരും ഈ ലോഡ്ജില് മുറിയെടുത്തിരുന്നുവെന്ന് ലോഡ്ജ് അധികൃതര് പൊലീസിനോട് പറഞ്ഞു.സീമയുടെ മൃതദ്ദേഹം ഇന്ക്വസ്റ്റ് നടത്തി പരിയാരത്തെ കണ്ണൂര് മെഡിക്കല് കോളജ് മോര്ച്ചറിയിലേക്ക് മാറ്റി. മുട്ടില് സ്വദേശിനിയായ സീമയുടെ ഭര്ത്താവ് സുരേഷ് രണ്ട് വര്ഷം മുമ്പാണ് മരിച്ചത്. ഇവര്ക്ക് രണ്ട് മക്കളുണ്ട്.
സീമയും വിജയനും നേരത്തെ സൗഹൃദമുണ്ടായിരുന്നുവെന്നാണ് പൊലിസിന് ലഭിച്ച വിവരം. പോസ്റ്റ്മോര്ട്ടത്തിന് ശേഷം മാത്രമേ സീമയുടെ മരണങ്ങളുമായി ബന്ധപ്പെട്ട് കൂടുതല് വിവരങ്ങള് പറയാനാവൂവെന്ന് പൊലീസ് പറഞ്ഞു.