പാലക്കാട്: മണ്ണാർക്കാട് - ചെർപ്പുളശ്ശേരി റൂട്ടിൽ കോങ്ങാട് മഞ്ചേരിക്കാവ് കാറും ബൈക്കും ഓട്ടോയും കൂട്ടി ഇടിച്ച് അപകടം.
കുണ്ടലശ്ശേരി സ്കൂളിലെ അധ്യാപികയായ സുശീല ടീച്ചറാണ് മരിച്ചത്
സുശീല ടീച്ചർ സഞ്ചരിച്ചിരുന്ന കാർ ബൈക്കിൽ ഇടിച്ച് നിയന്ത്രണം വിട്ട ബൈക്ക്ഓ ട്ടോറിക്ഷയിൽ വന്നിടിച്ചായിരുന്നു അപകടം സംഭവിച്ചത്.
ബൈക്ക് യാത്രക്കാരായ ചെങ്ങലേരി സ്വദേശിക്ക് അപകടത്തിൽ തലയ്ക്ക് ഗുരുതരമായി പരിക്കേറ്റിട്ടുണ്ട്.
പരിക്കേറ്റയാളെ ഉടൻ തന്നെ വട്ടമ്പലം മദർ കെയർ ഹോസ്പിറ്റലിൽ പ്രവേശിപ്പിച്ചു.
നാട്ടുകാരും പോലീസും ചേർന്നാണ് സ്ഥലത്ത് പ്രാഥമിക രക്ഷാപ്രവർത്തനങ്ങൾ നടത്തിയത്.
പ്രിയപ്പെട്ട അധ്യാപികയുടെ അപ്രതീക്ഷിത വിയോഗം കുണ്ടലശ്ശേരി സ്കൂളിനും നാടിനും വലിയ നൊമ്പരമായിരിക്കുകയാണ്.