അലനല്ലൂർ: പാലക്കാട് മണ്ണാർക്കാട് അലനല്ലൂരിൽ വ്യാപാരിയെ കിണറ്റിൽ മരിച്ച നിലയിൽ കണ്ടെത്തി.
അലനല്ലൂർ കണ്ണൻ കുണ്ട് സ്വദേശിയും ടൗണിലെ പച്ചക്കറി-ഉണക്കമീൻ വ്യാപാരിയുമായ കറുപ്പൻ വീട്ടിൽ അസീസ് ആണ് മരണപ്പെട്ടത്.
ഇന്ന് വൈകിട്ട് അഞ്ചുമണിയോടെ നാട്ടുകാരാണ് മൃതദേഹം കിണറ്റിൽ കണ്ടത്.
ഉടൻ തന്നെ മണ്ണാർക്കാട് ഫയർഫോഴ്സിനെ വിവരമറിയിച്ചു. ഫയർഫോഴ്സ് സ്ഥലത്തെത്തി ഏറെ നേരത്തെ പരിശ്രമത്തിനൊടുവിലാണ് മൃതദേഹം പുറത്തെടുത്തത്.
മേൽ നടപടികൾക്കായി മൃതദേഹം ആശുപത്രിയിലേക്ക് മാറ്റി.
സംഭവത്തിൽ കൂടുതൽ അന്വേഷണം നടന്നുവരികയാണ്.