തിരുവനന്തപുരം എംസി റോഡിൽ കിളിമാനൂർ പാപ്പാലയിൽ മിനിവാൻ ഇടിച്ച് സെക്യൂരിറ്റി ജീവനക്കാരൻ മരിച്ചു. അമിതവേഗതയിൽ എത്തിയ മിനിവാൻ ബാബുക്കുട്ടനെ ഇടിച്ച് തെറിപ്പിക്കുകയായിരുന്നു.പാപ്പാലയിലെ റോയൽ എൻഫീൽഡ് ഷോറൂമിലെ സെക്യൂരിറ്റി ജീവനക്കാരനായ നഗരൂർ സ്വദേശി ബാബുക്കുട്ടൻ ആണ് മരിച്ചത്. ഇന്ന് രാവിലെ ആറ് മണിയോടെ ജോലിസ്ഥലത്തിന് സമീപത്ത് വെച്ചായിരുന്നു അപകടം.
അപകടത്തിന് ശേഷം വാഹനം നിർത്താതെ പോയി. ഗുരുതരമായി പരിക്കേറ്റ ബാബുക്കുട്ടനെ ഉടൻ തന്നെ കടയ്ക്കൽ താലൂക്ക് ആശുപത്രിയിൽ എത്തിച്ചെങ്കിലും പരിക്ക് ഗുരുതരമായതിനാൽ തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റി. എന്നാൽ ചികിത്സയിലിരിക്കെ അദ്ദേഹം മരണത്തിന് കീഴടങ്ങുകയായിരുന്നു. സംഭവത്തിൽ കിളിമാനൂർ പൊലീസ് കേസെടുത്ത് അന്വേഷണം ആരംഭിച്ചു. ഇടിച്ച വാഹനം കണ്ടെത്തുന്നതിനായി പ്രദേശത്തെ സിസിടിവി ദൃശ്യങ്ങൾ പോലീസ് പരിശോധിച്ചു വരികയാണ്.