കോട്ടയം: വൈക്കത്ത് മാങ്ങ പറിക്കുന്നതിനിടെയുണ്ടായ അപകടത്തിൽ വീട്ടമ്മ ഷോക്കേറ്റ് മരിച്ചു. വൈക്കം ആറാട്ടുകുളങ്ങര സ്വദേശി രമണി (62) ആണ് ദാരുണമായി മരണപ്പെട്ടത്. ഇന്ന് ഉച്ചയ്ക്ക് പന്ത്രണ്ടരയോടെയായിരുന്നു നാടിനെ നടുക്കിയ ഈ സംഭവം ഉണ്ടായത്.
വീട്ടുപറമ്പിലെ മാവിൽ നിന്ന് അലുമിനിയം തോട്ടി ഉപയോഗിച്ച് മാങ്ങ പറിക്കുന്നതിനിടെ തോട്ടി അബദ്ധത്തിൽ സമീപത്തു കൂടെ കടന്നുപോയ ഹൈ വോൾട്ടേജ് വൈദ്യുതി ലൈനിൽ തട്ടുകയായിരുന്നു. തോട്ടിയിലൂടെ പെട്ടെന്ന് ശരീരത്തിലേക്ക് ശക്തമായ മിന്നൽപ്പിണർ പോലെ വൈദ്യുതി പ്രവഹിച്ച രമണി തെറിച്ചുവീണു.