തിരുവനന്തപുരം: കിളിമാനൂരിൽ നിർത്തിയിട്ട കാർ ചരക്ക് വാഹനം ഇടിച്ചു തെറിപ്പിച്ചു. വാഹനാപകടത്തിൽ നിന്നും യാത്രക്കാർ രക്ഷപ്പെട്ടത് തലനാരിഴയ്ക്കാണ്.
വാഹനത്തിന്റെ പാസഞ്ചർ സീറ്റിൽ നിന്നും യാത്രക്കാർ പുറത്തിറങ്ങി സെക്കൻഡുകൾക്കകമാണ് അപകടം ഉണ്ടായത്. എംസി റോഡിൽ ഇരട്ടച്ചിറയിൽ നിർത്തിയിട്ട കാർ ആണ് അപകടത്തിൽപ്പെട്ടത്. പാസഞ്ചർ സീറ്റിൽ ഒരു സ്ത്രീയും കുഞ്ഞും ആണ് ഉണ്ടായിരുന്നത്. ഇന്നലെ ഉച്ചയോടെയാണ് അപകടം സംഭവിച്ചത്. വാഹനത്തിൽ ഉണ്ടായിരുന്ന ഡ്രൈവർ പരിക്കുകൾ ഇല്ലാതെ രക്ഷപ്പെട്ടു