മലപ്പുറം: താനൂർ പുത്തൻതെരുവിൽ റെയിൽവേ ട്രാക്ക് മുറിച്ചുകടക്കുന്നതിനിടെ ട്രെയിൻ തട്ടി യുവതി മരിച്ചു. പുത്തൻതെരുവ് കൊമ്പന്റെ അകത്ത് റസീന (30) ആണ് മരിച്ചത്. ഇന്ന് ഉച്ചയ്ക്ക് 2:15-ഓടെയാണ് അപകടം സംഭവിച്ചത്.
മാതാവിനെ ഡോക്ടറെ കാണിക്കാൻ ആശുപത്രിയിലേക്ക് കൊണ്ടുപോകുന്നതിനിടെയാണ് അപകടം നടന്നത്. അപകടം നടന്നയുടൻ നാട്ടുകാർ ചേർന്ന് റസീനയെ താനൂരിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. തുടർന്ന് പോലീസും വളണ്ടിയർമാരുടെ സഹായത്തോടെ മൃതദേഹം തിരൂർ ജില്ലാ ആശുപത്രി മോർച്ചറിയിലേക്ക് മാറ്റി.
പരേതനായ ബാവ-ഫാത്തിമ ദമ്പതികളുടെ മകളാണ് റസീന.