എറണാകുളം: കുമ്പളത്ത് പുലർച്ചെയുണ്ടായ വാഹനാപകടത്തിൽ യുവാവ് മരണപ്പെട്ടു. പള്ളി വെളി സ്വദേശി ഷെഫീഖ് ആണ് മരണപ്പെട്ടത്. ഇന്ന് പുലർച്ചെ 2:30-നും 3:00-നും ഇടയിലായിരുന്നു അപകടം .
മുന്നിൽ സഞ്ചരിക്കുകയായിരുന്ന ടോറസ് ലോറിയുടെ പിന്നിൽ ഷെഫീഖ് ഓടിച്ചിരുന്ന ഐഷർ വാഹനം നിയന്ത്രണം വിട്ട് ഇടിക്കുകയായിരുന്നു. ഇടിയുടെ ആഘാതത്തിൽ ഗുരുതരമായി പരിക്കേറ്റ ഷെഫീഖിനെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
മൃതദേഹം നിലവിൽ എറണാകുളം താലൂക്ക് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. ഇൻക്വസ്റ്റ് നടപടികൾക്ക് ശേഷം പോസ്റ്റ്മോർട്ടം പൂർത്തിയാക്കി മൃതദേഹം ബന്ധുക്കൾക്ക് വിട്ടുനൽകും. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.