കണ്ണൂർ: കക്കാട് കാപ്പിച്ചേരി നന്ദനത്തിൽ അദ്വൈത് (17) കുളത്തിൽ മുങ്ങി മരിച്ചു. കണ്ണൂർ ഗവ. ടൗൺ ഹയർ സെക്കൻഡറി സ്കൂളിലെ പ്ലസ് ടു വിദ്യാർത്ഥിയാണ്.
വെള്ളിയാഴ്ച വൈകുന്നേരത്തോടെ മുണ്ടയാട് എടച്ചൊവ്വയിലെ ഓത്തിയിൽ കുളത്തിലായിരുന്നു ദാരുണമായ സംഭവം. അദ്വൈതിനൊപ്പം കുളിക്കാൻ എത്തിയ മറ്റ് കുട്ടികളാണ് ഇദ്ദേഹത്തെ വെള്ളത്തിൽ മുങ്ങിയ നിലയിൽ കണ്ടെത്തിയത്. ഉടൻ തന്നെ നാട്ടുകാർ ചേർന്ന് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
പ്രമോദ്-ബിന്ദുമോൾ ദമ്പതികളുടെ മകനാണ്. സഹോദരങ്ങൾ: ആദിത്ത് (കല്യാശ്ശേരി പോളിടെക്നിക് വിദ്യാർത്ഥി), ദേവനന്ദ (വിദ്യാർത്ഥിനി). സംസ്കാരം പിന്നീട് നടക്കും.
ഈ കുടുംബത്തിന്റെ തീരാദുഃഖത്തിൽ പങ്കുചേരുന്നു.