കോഴിക്കോട് വടകര : ഓട്ടോറിക്ഷ ഇടിച്ചുണ്ടായ അപകടത്തിൽ ഗുരുതര പരിക്കുകളോടെ ചികിത്സയിലായിരുന്ന കാരയാട് സ്വദേശി അന്തരിച്ചു. തണ്ടയിൽതാഴെ ഉപ്പിലാട്ട് മീത്തൽ ഷിബു (48) ആണ് മരിച്ചത്.
കഴിഞ്ഞ ചൊവ്വാഴ്ച വടകര കൈനാട്ടിയിൽ വെച്ചാണ് ഷിബുവിന് അപകടമുണ്ടായത്. റോഡ് മുറിച്ചു കടക്കുന്നതിനിടയിലോ യാത്രക്കിടയിലോ ഓട്ടോറിക്ഷ ഇടിക്കുകയായിരുന്നുവെന്നാണ് വിവരം. പരിക്കേറ്റ ഉടൻ തന്നെ ഇദ്ദേഹത്തെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ച് തീവ്രപരിചരണം നൽകി വരികയായിരുന്നു. ചികിത്സയിലിരിക്കെയാണ് അന്ത്യം സംഭവിച്ചത്.
പേരാമ്പ്ര - വടകര റൂട്ടിലോടുന്ന 'ഹരേറാം' ബസിലെ കണ്ടക്ടറായിരുന്നു. പരേതരായ കുഞ്ഞിരാമന്റെയും ദേവകിയുടെയും മകനാണ്.
ഭാര്യ: ജിഷ.
സഹോദരങ്ങൾ: ഷീബ, ഷിജു.