കാഞ്ഞിരപ്പള്ളി: കുരിശിങ്കലിൽ സ്വകാര്യ ബസ്സുകൾ കൂട്ടിയിടിച്ച് നിരവധി പേർക്ക് പരിക്കേറ്റു. മുണ്ടക്കയം–ഇളംകാട് റൂട്ടിൽ സർവീസ് നടത്തുന്ന 'ഫൗസിയ' ബസ്സിന്റെ പിന്നിൽ, മണിമല–കാഞ്ഞിരപ്പള്ളി റൂട്ടിലോടുന്ന 'ജെറിൻ' ബസ്സ് ഇടിച്ചാണ് അപകടമുണ്ടായത്.
അപകടത്തിൽ പരിക്കേറ്റ യാത്രക്കാരെ ഉടനടി സമീപത്തെ ആശുപത്രികളിൽ പ്രവേശിപ്പിച്ചു. അപകടത്തെ തുടർന്ന് മേഖലയിൽ വലിയ രീതിയിലുള്ള ഗതാഗത തടസ്സം അനുഭവപ്പെട്ടു. പോലീസും പ്രദേശവാസികളും ചേർന്ന് രക്ഷാപ്രവർത്തനം നടത്തി ഗതാഗതം പുനഃസ്ഥാപിച്ചു.