ഡ്യൂട്ടി കഴിഞ്ഞ് മടങ്ങവെ ദാരുണാന്ത്യം; തക്കലയിൽ ടൂറിസ്റ്റ് ബസിടിച്ച് സർക്കാരുദ്യോഗസ്ഥയായ നഴ്‌സ് മരിച്ചു



​തിരുവനന്തപുരം: കന്യാകുമാരി ജില്ലയിലെ തക്കലയിൽ ടൂറിസ്റ്റ് ബസ് ഇടിച്ച് സർക്കാർ ആശുപത്രിയിലെ നഴ്‌സ് ദാരുണമായി കൊല്ലപ്പെട്ടു. ഡ്യൂട്ടി കഴിഞ്ഞ് ഇരുചക്രവാഹനത്തിൽ വീട്ടിലേക്ക് മടങ്ങുകയായിരുന്ന ഫ്ലോറൻസ് ജാസ്മിൻ (46) ആണ് മരിച്ചത്.

​തക്കല ഹെഡ്ക്വാർട്ടേഴ്സ് സർക്കാർ ആശുപത്രിയിലെ നഴ്‌സായ ഇവർ, ഇലവുവിള സിഎസ്‌ഐ ചർച്ചിലെ പാസ്റ്റർ സ്റ്റാലിൻ വിinu ജോണിന്റെ ഭാര്യയാണ്. ദമ്പതികൾക്ക് രണ്ട് മക്കളുമുണ്ട്.

​അപകടം നടന്നത് ഇങ്ങനെ:

ഡ്യൂട്ടിക്ക് ശേഷം ഇരുചക്രവാഹനത്തിൽ വീട്ടിലേക്ക് മടങ്ങുകയായിരുന്ന ഫ്ലോറൻസ് ജാസ്മിൻ സഞ്ചരിച്ച ബൈക്കിൽ, മണലി ഭാഗത്തു വെച്ച് പിന്നിൽ അതിവേഗത്തിലെത്തിയ സ്വകാര്യ ടൂറിസ്റ്റ് ബസ് ഇടിക്കുകയായിരുന്നു. ഇടിയുടെ ആഘാതത്തിൽ റോഡിലേക്ക് തെറിച്ചുവീണ നഴ്‌സ് സംഭവസ്ഥലത്തുതന്നെ ജീവൻ വെടിഞ്ഞു. ഈ ദാരുണമായ അപകടത്തിന്റെ സിസിടിവി ദൃശ്യങ്ങളും പുറത്തുവന്നിട്ടുണ്ട്.

​സംഭവസ്ഥലത്തെത്തിയ തക്കല പോലീസ്, ഇൻക്വസ്റ്റ് നടപടികൾക്ക് ശേഷം മൃതദേഹം പോസ്റ്റ്‌മോർട്ടത്തിനായി ആശാരിപ്പള്ളം മെഡിക്കൽ കോളേജ് ആശുപത്രിയിലേക്ക് മാറ്റി. അപകടമുണ്ടാക്കിയ ബസ് ഡ്രൈവർക്കെതിരെ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.

Post a Comment

Previous Post Next Post