കല്ലമ്പലത്ത് ദേശീയപാതയിൽ ബാറിന് സമീപം വാഹനാപകടം.രണ്ടു യുവാക്കൾക്ക് ഗുരുതര പരിക്ക്
തിരുവനന്തപുരം
കല്ലമ്പലം : ഇന്ന് രാത്രി പത്തരയോടെ കല്ലമ്പലം ബാറിന് സമീപത്ത് ടൂറിസ്റ്റ് ബസിൽ ബൈക്കിടിച്ച് ബൈക്ക് യാത്രക്കാരായ രണ്ട് യുവാക്കൾക്ക് സാരമായി പരിക്കേറ്റു. കന്യാകുമാരിയിൽ വിനോദയാത്ര കഴിഞ്ഞ് മടങ്ങുകയായിരുന്ന എറണാകുളത്തുള്ള ടൂറിസ്റ്റ് ബസും കൊല്ലം ഭാഗത്തുനിന്ന് വന്ന ബൈക്കുമാണ് അപകടത്തിൽ പെട്ടത് . കരവാരം തോട്ടയ്ക്കാട് പഴയ പഞ്ചായത്ത് ഓഫീസിന് സമീപം പ്രിൻസി നിവാസിൽ അനിൽകുമാർ, ഇയാളുടെ അയൽവാസിയും സുഹൃത്തുമായ ഉണ്ണി എന്നിവരാണ് അപകടത്തിൽപ്പെട്ടത്. രണ്ടുപേരുടെയും കാലിന് ഗുരുതരമായ പരിക്കേറ്റാതായി പോലീസ് പറഞ്ഞു. അനിൽകുമാറിനെ ചാത്തമ്പാറ
കെ.റ്റി.സി.റ്റി ഹോസ്പിറ്റലിലും, ഉണ്ണിയെ പാരിപ്പള്ളി മെഡിക്കൽ കോളേജിലും പ്രവേശിപ്പിച്ചു.