സ്കൂള് ബസിന്റെ അടിയില്പ്പെട്ട് ക്ളീനർ മരണപ്പെട്ടു . തൊടുപുഴ മലയിഞ്ചി സ്വദേശി ജിജോ പടിഞ്ഞാറയില് (40) ആണ് മരിച്ചത്.
കുട്ടികള് ബെല്ലടിച്ചതിനെ തുടര്ന്ന് ബസ് മുന്നോട്ടെടുത്ത സമയത്താണ് അപകടം ഉണ്ടായത്.ഉടുമ്ബന്നൂര് സെന്റ് ജോര്ജ് സ്കൂളിന്റെ ബസ് ക്ലീനറാണ്.
തൊടുപുഴ ചീനിക്കുഴിക്ക് സമീപം ഏഴാനിക്കൂട്ടത്താണ് സംഭവം.കുട്ടികളെ കയറ്റാനായി ബസ് നിര്ത്തി ജിജോ പുറത്തിറങ്ങിയ സമയത്ത് കുട്ടികള് ബെല്ലടിക്കുകയും ബസ് മുന്നോട്ടെടുക്കുകയും ചെയ്തു. ഇതിനിടെ ബസിലേക്ക് ഓടിക്കയറാന് ശ്രമിച്ച ജിജോ തെന്നി ബസിനടിയിലേക്ക് വീഴുകയായിരുന്നു. മൃതദേഹം മുതലക്കോടം ആശുപത്രിയില്.