കിളിമാനൂര്‍ : കാറും സ്കൂട്ടിയും കൂട്ടിയിടിച്ച്‌ ബൈക്ക് യാത്രികരായ അച്ഛനും മകനും മരിച്ചു. മറ്റാരു മകന്‍ ഗുരുതര പരിക്കോടെ മെഡിക്കല്‍ കോളേജ് ആശുപത്രിയില്‍ .കല്ലിംഗല്‍ കരിക്കകത്ത് വീട്ടില്‍ സുനില്‍ കുമാര്‍ ( 45 ), മകന്‍ ശ്രീദേവ് (5) എന്നിവരാണ് മരിച്ചത്. മൂത്ത മകന്‍ ശ്രീഹരിയാണ് ചികിത്സയിലുള്ളത്. ഇന്ന് രാത്രി 8 .30 ഓടെയാണ് അപകടം.
കിളിമാനൂരില്‍ നിന്നു അമിത വേഗതയില്‍ വന്ന ഫോര്‍ച്ച്‌യൂണര്‍ കാര്‍ നഗരൂര്‍ ഭാഗത്ത് നിന്നു വന്ന ബൈക്കില്‍ ഇടിക്കുകയായിരുന്നു. കാറിന്റെ അമിത വേഗത കണ്ടു സുനില്‍ കുമാര്‍ സ്കൂട്ടി നിര്‍ത്തിയെങ്കിലും കാര്‍ ഇടിച്ചു തെറിപ്പിക്കുകയായിരുന്നു. അപകടമുണ്ടാക്കിയ കാറോടിച്ച രണ്ട് പേരെ പൊലീസ് കസ്റ്റഡിയിലെടുത്തിട്ടുണ്ട്. ഇരുവരും മദ്യപിച്ചിരുന്നതായി സംശയമുണ്ട്. ഇടിയുടെ ആഘാതത്തില്‍ നിന്നും ബൈക്കില്‍ നിന്നും തെറിച്ച്‌ സമീപത്തെ റോഡിലേക്ക് വീണ ശ്രീദേവ് സംഭവസ്ഥലത്ത് വച്ചു തന്നെ മരണപ്പെട്ടിരുന്നു. സുനില്‍ നിര്‍മാണ തൊഴിലാളിയാണ്. ഭാര്യ :കല്പന.