തിരുവനന്തപുരം: പെരുമാതുറയില് അമിത വേഗതയിലെത്തിയ ഇരുചക്ര വാഹനം ഇടിച്ച് വഴിയാത്രക്കാരന് മരിച്ചു.പെരുമാതുറ കൊട്ടാരംതുരുത്ത് ഷബാന മന്സിലില് പരേതനായ ഫസിലുദീന്റെ മകന് ആസാദ് (67) ആണ് മരിച്ചത്.
ഇന്നലെ രാത്രി ഒന്പതോടെ കൊട്ടാരം തുരുത്ത് മുസ്ലിം ജമാഅത്ത് പള്ളിക്ക് സമീപത്തെ റോഡിലാണ് അപകടം. പള്ളിയിലെ പ്രാര്ഥന കഴിഞ്ഞ് വീട്ടിലേക്ക് നടന്ന് പോകവേ അമിത വേഗതയിലെത്തിയ ഷബിന് എന്ന യുവാവ് ഓടിച്ച ബൈക്ക് ആസാദിനെ ഇടിച്ച് തെറിപ്പിക്കുകയായിരുന്നു. ഇടിയുടെ ആഘാതത്തില് തലയ്ക്ക് ഗുരുതരപരിക്കേറ്റ ആസാദിനെ നാട്ടുകാര് ആദ്യം ചിറയിന്കീഴ് താലുക്ക് ആശുപത്രിയിലും തുടര്ന്ന് തിരുവനന്തപുരം മെഡിക്കല് കോളജ് ആശുപത്രിയിലും പ്രവേശിപ്പില്ലെങ്കിലും രാത്രി 12 ഓടെ മരണപ്പെടുകയായിരുന്നു.