മലപ്പുറം മഞ്ചേരി കളത്തും പടിയിൽ ഓട്ടോയും കാറും കൂട്ടി ഇടിച്ച് യുവതി മരണപ്പെട്ടു..
ഓട്ടോ യാത്രക്കാരിയായ കിടങ്ങഴി കല്ലിടുന്പ് പുളിയഞ്ചാലില്‍ മുഹമ്മദ് - ആസ്യ ദന്പതിമാരുടെ മകള്‍ തസ്നിയ (30) ആണ് മരിച്ചത്. കാരാപറന്പിലെ ജനസേവന കേന്ദ്രത്തിലെ ജീവനക്കാരിയായ തസ്നിയ കിടങ്ങഴിയിലെ വീട്ടില്‍ നിന്നു ഓട്ടോയില്‍ സ്ഥാപനത്തിലേക്ക് വരുന്നതിനിടെ രാവിലെ ഒന്പതരയോടെയാണ് അപകടം. റോഡില്‍ അശ്രദ്ധമായി തിരിച്ച കാറില്‍ ഓട്ടോ ഇടിക്കുകയായിരുന്നു. ഇടിയുടെ ആഘാതത്തില്‍ മറിഞ്ഞ ഓട്ടോയില്‍ നിന്നു തസ്നിയ റോഡിലേക്കു തെറിച്ചുവീണു. തലക്ക് സാരമായി പരിക്കേറ്റ യുവതിയെ ഉടന്‍ മഞ്ചേരി മെഡിക്കല്‍ കോളജ് ആശുപത്രിയിലേക്കു എത്തിച്ചെങ്കിലും രക്ഷിക്കാനായില്ല.
ഭര്‍ത്താവ് : കാവനൂര്‍ ഇരിവേറ്റി ചൂരത്തുകുണ്ട് ഫിര്‍ദൗസ്. മകള്‍: മിന്‍ഹ. സഹോദരങ്ങള്‍: മന്‍സൂര്‍, റസിയ, പരേതനായ നൗഫല്‍. എസ്‌ഐ പി.കെ. ഖമറുസമാന്‍ ഇന്‍ക്വസ്റ്റ് ചെയ്ത മൃതദേഹം മഞ്ചേരി ഗവണ്‍മെന്‍റ്് മെഡിക്കല്‍ കോളജാശുപത്രിയില്‍ പോസ്റ്റുമോര്‍ട്ടത്തിനു ശേഷം ബന്ധുക്കള്‍ ഏറ്റുവാങ്ങി കിടങ്ങഴി ജുമാമസ്ജിദില്‍ ഖബറടക്കും
റിപ്പോർട്ട് :അബ്ദുൽ റഹൂഫ് കിടങ്ങഴി
