തൃശ്ശൂർ പുതുക്കാട്: ദേശീയപാത കുറുമാലി പാലത്തില് നിയന്ത്രണംവിട്ട കാര് തലകീഴായി മറിഞ്ഞ് രണ്ടു കുട്ടികള് ഉള്പ്പടെ നാലുപേര്ക്ക് പരിക്കേറ്റു. ഇന്നലെ ഉച്ചയ്ക്ക് ചാലക്കുടി ഭാഗത്തേക്കുള്ള ദിശയിലാണ് അപകടം.
പാലത്തിന്റെ നടപ്പാതയില് ഇടിച്ചാണ് കാര് മറിഞ്ഞത്. പരിക്കേറ്റവരെ കൊടകരയിലെ സ്വകാര്യ ആശുപത്രിയില് പ്രവേശിപ്പിച്ചു. അപകടത്തില്പ്പെട്ട കാര് ക്രയിന് ഉപയോഗിച്ചാണ് മാറ്റിയത്. അപകടത്തെത്തുടര്ന്ന് ഒരു മണിക്കൂറോളം ചാലക്കുടി ഭാഗത്തേക്കുള്ള പാതയില് ഗതാഗതം തടസപ്പെട്ടു.