തിരുവനന്തപുരം നെയ്യാറ്റിന്കര: കാറും ബൈക്കും കൂട്ടിയിടിച്ചുണ്ടായ അപകടത്തിൽ ബൈക്ക് യാത്രക്കാര്ക്ക് പരിക്കേറ്റു. ബൈക്കില് യാത്ര ചെയ്തിരുന്ന രാഹുലിനും സുഹൃത്തിനും ആണ് പരിക്കേറ്റത്. കമുകിന്കോടിനു സമീപം ആണ് അപകടം ഉണ്ടായത്. കാറും ബൈക്കും ഒരേ ദിശയിലാണ് വന്നത്. കാര് തിരിഞ്ഞപ്പോള് പിന്നാലെ വന്ന ബൈക്ക് കാറില് ഇടിച്ച് സമീപത്തെ ട്രാന്സ്ഫോര്മറിന്റെ ചുറ്റുവേലിയില് ഇടിച്ചു നിൽക്കുകയായിരുന്നു. അപകടത്തിൽ ബൈക്കിലെത്തിയ യുവാക്കള്ക്ക് കാലില് പൊട്ടലുള്ളതായി നെയ്യാറ്റിന്കര പൊലീസ് അറിയിച്ചു. ഇവരെ തിരുവനന്തപുരം മെഡിക്കല് കോളജ് ആശുപത്രിയില് പ്രവേശിപ്പിച്ചു.