കാസർകോട് ബോവിക്കാനം: അമിത വേഗതിയിലെത്തിയ ബൈക് ഇടിച്ച് കാല്നടയാത്രക്കാരന് ദാരുണാന്ത്യം.
ബോവിക്കാനം ടൗണില് ചുമട്ട് തൊഴിലാളിയായിരുന്ന ബേപ്പ് പടുപ്പിലെ വി ചന്ദ്രശേഖരന് (57) ആണ് മരിച്ചത്. ബോവിക്കാനം-കുറ്റിക്കോല് റോഡില് മഞ്ചക്കല്ലില് ബസ് ഇറങ്ങി റോഡ് മുറിച്ച് കടക്കുന്നതിനിടെ അമിത വേഗതയിലെത്തിയ ബൈക് ഇടിക്കുകയായിരുന്നുവെന്ന് ദൃക്സാക്ഷികള് പറഞ്ഞു.
ഇടിച്ച ബൈക് 70 മീറ്റര് അകലേക്ക് തെറിച്ച് വീണതായും അപകടസ്ഥലത്തുണ്ടായിരുന്നവര് പറയുന്നു. ബൈക് യാത്രക്കാര്ക്കും പരുക്കേറ്റിട്ടുണ്ട്.
ഭാര്യ: സി സുശീല. മക്കള്: സി ശരണ്യ, സി ശരണ് കുമാര്. മരുമകന്: വിനോദ് കുമാര് (മുളിയാര്).