കോഴിക്കോട് രാമനാട്ടുകര ബൈക്ക് യാത്രക്കാരനായ വിദ്യാർഥി കെ.എസ്.ആർ.ടി.സി. സ്വിഫ്റ്റ് ബസ് തട്ടി മരിച്ചു. പാലക്കാട് വിളയൂർ സ്വദേശി എടത്തോൾ വീട്ടിൽ റാസി റോഷൻ (22) ആണ് മരിച്ചത്. രാമനാട്ടുകരയിൽ ചൊവ്വാഴ്ച രാത്രി 10.45-ഓടെയായിരുന്നു അപകടം.
ദേവകി അമ്മ ഫാർമസി കോളേജിൽ മൂന്നാംവർഷ വിദ്യാർഥിയാണ്. ചേലേമ്പ്രയിലുള്ള താമസസ്ഥലത്തേക്കു പോകുമ്പോഴായിരുന്നു അപകടം. മെഡിക്കൽ കോളേജ് ആശുപത്രിയിൽ എത്തിച്ചെങ്കിലും രക്ഷപ്പെടുത്താൻ കഴിഞ്ഞില്ല. പിതാവ് :മുഹമ്മദ് കുട്ടി.
