കൊപ്പം വിളയൂര്‍ കരിങ്ങനാട് ചന്തപ്പടിയില്‍ മിനിലോറിയും സ്കൂട്ടറും കൂട്ടിയിടിച്ച്‌ സ്കൂട്ടര്‍ യാത്രക്കാരന്‍ മരിച്ചു.
പ്രഭാപുരം മിഠായിത്തെരുവില്‍ മുണ്ടേക്കോട്ടില്‍ പാക്കരത്ത് മുഹമ്മദ് ഹനീഫയാണ് (54) മരിച്ചത്. ഒപ്പമുണ്ടായിരുന്ന പ്രഭാപുരം സ്വദേശി വാപ്പുട്ടിയെ പരിക്കുകളോടെ ആശുപത്രിയില്‍ പ്രവേശിപ്പിച്ചു.
വ്യാഴാഴ്ച രാവിലെ 8.30-നാണ് അപകടം. പ്രഭാപുരം ഭാഗത്തുനിന്ന്‌ പുലാമന്തോള്‍ ഭാഗത്തേക്ക് പോകുകയായിരുന്ന സ്കൂട്ടറും എതിരേ വന്ന മിനിലോറിയും കൂട്ടിയിടിക്കുകയായിരുന്നു. നാട്ടുകാര്‍ രണ്ടുപേരെയും ആശുപത്രിയില്‍ എത്തിച്ചുവെങ്കിലും മുഹമ്മദ് ഹനീഫ മരിച്ചു. കൊപ്പം പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു.
മുഹമ്മദ് ഹനീഫയുടെ ഭാര്യ: ലൈല. മക്കള്‍: സലീന, അല്‍ഫാസ്, ഷംന. സഹോദരങ്ങള്‍: ഫാത്തിമ, സുബൈദ, റസിയ, പരേതനായ കരീം.