തിരുവല്ല മാർക്കറ്റ് ജംഗ്ഷനിൽ ബൈക്കുകൾ കൂട്ടിയിടിച്ചുണ്ടായ അപകടത്തിൽ രണ്ടുപേർക്ക് പരുക്കേറ്റു. ഇന്ന് രാത്രി എട്ടുമണിയോടെയായിരുന്നു അപകടം. തിരുവല്ല ഭാഗത്ത് നിന്നും മാവേലിക്കര ഭാഗത്തേക്ക് പോയ ബുള്ളറ്റും എതിർ ദിശയിൽ നിന്ന് വന്ന ബൈക്കും തമ്മിൽ കൂട്ടിയിടിക്കുകയായിരുന്നു.പെട്രോളിങ് ഡ്യൂട്ടിയിലായിരുന്ന തിരുവല്ല എസ് ഐ അനീഷിന്റെ നേതൃത്വത്തിൽ പരിക്കേറ്റ ഇരുവരെയും തിരുവല്ല താലൂക്ക് ആശുപത്രിയിൽ പ്രവേശിപ്പിച്ചു. അപകടത്തെ തുടർന്ന് റോഡിൽ 15 മിനിറ്റോളം ഗതാഗതം തടസ്സപ്പെട്ടു.