അമ്പലപ്പുഴ: ഗൃഹനാഥനെ വീടിനു സമീപത്തെ തോട്ടിൽ വീണ് മരിച്ച നിലയിൽ കണ്ടെത്തി. പുന്നപ്ര വടക്ക് പഞ്ചായത്ത് പതിനഞ്ചാം വാർഡ് വാടക്കൽ കല്ലുപുരക്കൽ വീട്ടിൽ അർജുനൻ (70) ആണ് മരിച്ചത്. ഇന്നലെ രാത്രിയാണ് വീടിനു സമീപത്തെ കാപ്പിത്തോട്ടിൽ മരിച്ച നിലയിൽ കണ്ടെത്തിയത്. പകൽ 12 ഓടെ അർജുനൻ മീൻ പിടിക്കാനായി വീട്ടിൽ നിന്ന് പോയിരുന്നു. എന്നാൽ വീട്ടുകാർ ഇത് അറിഞ്ഞിരുന്നില്ല. ഏറെ നേരം കഴിഞ്ഞും ഇദ്ദേഹത്തെ കാണാതായതോടെ വീട്ടുകാരും സമീപ വാസികളും ചേർന്ന് നടത്തിയ അന്വഷണത്തിൽ വൈകിട്ട് 6.30 ഓടെ തോട്ടിൽ അർജുനന്റെ ചെരുപ്പു കണ്ടെത്തി. തുടർന്ന് നടത്തിയ തെരച്ചിലിലാണ് മൃതദേഹം ലഭിച്ചത്. ആലപ്പുഴ മെഡിക്കൽ കോളേജ് ആശുപത്രി മോർച്ചറിയിൽ പോസ്റ്റുമാർട്ടത്തിനു ശേഷം മൃതദേഹം ബന്ധുക്കൾക്ക് വിട്ടുനൽകി . ഭാര്യ: പരേതയായ കനകമ്മ.