കൊട്ടാരക്കര: അമിത വേഗതയിലെത്തിയ ടിപ്പര്‍ലോറി സ്കൂട്ടറിലിടിച്ച്‌ ഭര്‍ത്താവിനൊപ്പം സഞ്ചരിച്ചിരുന്ന വീട്ടമ്മ മരിച്ചു.പുത്തൂര്‍ ചെറു പൊയ്ക ഭജനമഠം മനീഷാ ഭവനില്‍ ഗിരിജാകുമാരി(54) ആണ് മരിച്ചത്. സ്കൂട്ടര്‍ ഓടിച്ചിരുന്ന ഭര്‍ത്താവ് സുന്ദരേശനെ (58) പരിക്കുകളോടെ ആശുപത്രിയില്‍ പ്രവേശിപ്പിച്ചു
ഇന്നലെ രാവിലെ 11-ഓടെ പുത്തൂര്‍ -ചീരങ്കാവ് റോഡില്‍ പൊരീക്കലിനു സമീപമായിരുന്നു അപകടം നടന്നത്. പുത്തൂര്‍ ഭാഗത്തേക്ക് പോയ സ്കൂട്ടറില്‍ പിന്നാലെയെത്തിയ ടിപ്പര്‍ ഇടിക്കുകയായിരുന്നു. ഇടിയുടെ ആഘാതത്തില്‍ റോഡില്‍ തലയിടിച്ചു വീണ ഗിരിജാകുമാരിയുടെ ശരീരത്തിലൂടെ ലോറി കയറിയിറങ്ങി തല്‍ക്ഷണം മരിയ്ക്കുകയായിരുന്നു.
സംഭവത്തില്‍, എഴുകോണ്‍ പൊലീസ് കേസെടുത്തു.