മഗളൂരു:മല്ലപ്പുറ ഗൊള്ളറഹട്ടിയില്‍ തിങ്കളാഴ്ച കാര്‍ നിറുത്തിയിട്ട ലോറിയില്‍ ഇടിച്ചുണ്ടായ അപകടത്തില്‍ ഒരു കുടുംബത്തിലെ മൂന്നു പേരും ഡ്രൈവറും കൊല്ലപ്പെട്ടു.തുമകൂറുവിലെ എ.എം.ഖലീല്‍(42), ഭാര്യ മല്ലിക(37), മകൻ തബ്റജ്(13), ഡ്രൈവര്‍ വി.ശംസുദ്ദീൻ(40) എന്നിവരാണ് മരിച്ചത്.ദമ്ബതികളുടെ മറ്റു മക്കളായ നര്‍ഗീസ്,റെഹാൻ,റെഹ്മാൻ എന്നിവരെ സാരമായ പരിക്കുകളോടെ ആശുപത്രിയില്‍ പ്രവേശിപ്പിച്ചു.
നിയന്ത്രണം വിട്ട കാര്‍ ദേശീയ പാത 48ല്‍ അരികില്‍ നിറുത്തിയിട്ട ലോറിയില്‍ ഇടിക്കുകയായിരുന്നു.ഇടിയുടെ ആഘാതത്തില്‍ കാര്‍ പൂര്‍ണമായി തകര്‍ന്നു. പൊലീസ് കേസെടുത്തു.