കൊച്ചി: അലക്ഷ്യമായി സ്കൂള് ബസ് ഓടിച്ച ഡ്രൈവര്ക്കെതിരെ പൊലീസ് കേസെടുത്തു. പെരുമ്ബാവൂര് സ്വദേശി ഉമ്മറിനെതിരെയാണ് കേസെടുത്തത്.
വെള്ളിയാഴ്ച വൈകിട്ടാണ് പെരുമ്ബാവൂര് മെക്കാ സ്കൂളിലെ കുട്ടി അപകടത്തില്പ്പെട്ടത്. സ്കൂള് ബസില് വന്നിറങ്ങിയ കുട്ടി അല്പ്പം മുന്നോട്ട് പോയി. ഇതേസമയം ബസ് മുന്നോട്ട് എടുക്കുകയും കുട്ടി വണ്ടി തട്ടി വീണ് ബസിന് അടിയില്പ്പെട്ട് പോകുകയുമായിരുന്നു. കാലിന് പരിക്കേറ്റ പെണ്കുട്ടി ചികിത്സയിലാണ്. ഇപ്പോള് അപകടത്തിന്റെ സിസിടിവി ദൃശ്യങ്ങളും പുറത്ത് വന്നിട്ടുണ്ട്.