മലപ്പുറം എടപ്പാൾ : ടൂറിസ്റ്റ് ബസ്സും കെ എസ് ആർ ടി സി ബസ്സും കൂട്ടിയിടിച്ച് അപകടം.റോഡരികിൽ നിർത്തിയിട്ടിരുന്ന ഓട്ടോ റിക്ഷയും അപകടത്തിൽ തകർന്നു.വെള്ളിയാഴ്‌ച രാവിലെ 11.30-ന് സംസ്ഥാന പാതയിലെ കണ്ടനകം ബിവ്റേജസ് കോർപ്പറേഷൻ്റെ വിദേശ മദ്യ വിൽപ്പന കേന്ദ്രത്തിന് സമീപത്താണ് അപകടം നടന്നത്. പാലായിൽ നിന്നും കൊട്ടിയൂരിലേക്ക് തീർത്ഥാടകരുമായി പോവുകയായിരുന്ന ബസ്സും എതിരെ തിരുവനന്തപുരത്തേക്ക് പോവുകയായിരുന്ന കെ എസ് ആർ ടി സി ബസ്സുമാണ് കൂട്ടിയിടിച്ചത്.അപകടത്തിനിടയിൽ ആണ് റോഡരികിൽ നിർത്തിയിട്ടിരുന്ന ഓട്ടോറിക്ഷയിൽ ഈ വാഹനങ്ങൾ തട്ടി ഓട്ടോറിക്ഷ തകർന്നത്.അപകടത്തിൽ ആർക്കും പരിക്കില്ല.
റിപ്പോർട്ട് : ഗിരീഷൻ കാലടി എടപ്പാൾ