മംഗളൂരു: തുമകൂരു ജില്ലയില് കൊരട്ടഗരെ താലൂക്കിലെ കൊളാലയില് ബേക്കറിയിലേക്ക് വളം നിറച്ച ലോറി ഇടിച്ചുകയറി മൂന്ന് പേർ മരിക്കുകയും മൂന്ന് പേർക്ക് പരിക്കേല്ക്കുകയും ചെയ്തു.
കറ്റേനഹള്ളി സ്വദേശി രംഗശാമയ്യ (65), പുരടഹള്ളി സ്വദേശി ബൈലപ്പ (65), കൊളാല സ്വദേശി ജയണ്ണ (50) എന്നിവരാണ് മരിച്ചത്. പരിക്കേറ്റ കാന്തരാജു, സിദ്ധഗംഗമ്മ, മോഹൻ കുമാർ എന്നിവരെ ആശുപത്രിയില് പ്രവേശിപ്പിച്ചു. ബേക്കറിയില് ജോലി ചെയ്യുകയായിരുന്നവരാണ് അപകടത്തില്പെട്ടത്.
രംഗശാമയ്യയും ബൈലപ്പയും സംഭവസ്ഥലത്തുവെച്ചുതന്നെ മരിച്ചു, ജയണ്ണ ആശുപത്രിയിലും.നേരത്തെ ഇതേ സ്ഥലത്ത് ലോറി കടയില് ഇടിച്ച് ഒരാള് മരിച്ചിരുന്നു.തുമകൂരുവിനെ കൊളാലയുമായി ബന്ധിപ്പിക്കുന്ന റോഡ് ഗ്രാമത്തിന് സമീപം ചരിവുള്ളതാണ്. അമിതവേഗതയില് വാഹനങ്ങള് പായുന്നതും ഗ്രാമത്തിലെ ഇടുങ്ങിയ റോഡും അപകടങ്ങള്ക്ക് കാരണമാവുന്നതായി നാട്ടുകാർ പറഞ്ഞു. കൊലാല പൊലീസ് കേസെടുത്തു