വേങ്ങര: മലപ്പുറം-വേങ്ങര റോഡിൽ ടൗണിന് സമീപം പിക്കപ്പ് വാൻ ഇടിച്ച് ഊരകം സ്വദേശിയും മുൻ വേങ്ങര കെ.എസ്.ഇ.ബി (KSEB) ജീവനക്കാരനുമായ സുന്ദരൻ മരണപ്പെട്ടു.
ബുധനാഴ്ച രാവിലെ വേങ്ങര ടൗണിൽ വെച്ചായിരുന്നു അപകടം. വേങ്ങര ഭാഗത്തുനിന്നും വന്ന 'ദോസ്ത്' പിക്കപ്പ് വാൻ സുന്ദരനെ ഇടിക്കുകയായിരുന്നു.
നാട്ടുകാർ ചേർന്ന് ഇദ്ദേഹത്തെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം ഇപ്പോൾ തിരൂരങ്ങാടി താലൂക്ക് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. നടപടിക്രമങ്ങൾക്ക് ശേഷം മൃതദേഹം ബന്ധുക്കൾക്ക് വിട്ടുനൽകും.