മണ്ണാർക്കാട്: മണ്ണാർക്കാട് ആശുപത്രിപ്പടിയിലുള്ള ലോഡ്ജിൽ യുവാവിനെ തൂങ്ങിമരിച്ച നിലയിൽ കണ്ടെത്തി. നാട്ടുകൽ സ്വദേശി കാരായി വീട്ടിൽ വിനീഷിനെയാണ് (34) ഇന്ന് രാത്രി ഒൻപത് മണിയോടെ ലോഡ്ജ് മുറിയിൽ മരിച്ച നിലയിൽ കണ്ടെത്തിയത്.
ആശുപത്രിപ്പടിയിലെ പെട്രോൾ പമ്പിന് സമീപമുള്ള ലോഡ്ജിലാണ് സംഭവം. വിവരം അറിഞ്ഞ് സ്ഥലത്തെത്തിയ പോലീസ് നടപടികൾ സ്വീകരിച്ചു. നിലവിൽ മൃതദേഹം മണ്ണാർക്കാട് താലൂക്ക് ആശുപത്രി മോർച്ചറിയിലേക്ക് മാറ്റിയിരിക്കുകയാണ്. സംഭവത്തിൽ പോലീസ് കൂടുതൽ അന്വേഷണം നടത്തിവരുന്നു.
