കോഴിക്കോട് കൊയിലാണ്ടി: കൊയിലാണ്ടി സ്റ്റേറ്റ് ബാങ്കിന് സമീപം ബൈക്കുകൾ കൂട്ടിയിടിച്ചുണ്ടായ അപകടത്തിൽ കോമത്ത്കര സ്വദേശിയ്ക്ക് ദാരുണാന്ത്യം. തോട്ടത്തിൽ താഴെ സുബിലാഷ് ആണ് മരിച്ചത്. നാൽപ്പത്തിരണ്ട് വയസായിരുന്നു. ഇന്നലെ രാത്രി ഒമ്പത് മണിയോട് കൂടിയായിരുന്നു സംഭവം.
ഭക്ഷണം വാങ്ങി പോകുമ്പോൾ കോഴിക്കോട് ഭാഗത്ത് നിന്ന് വരികയായിരുന്ന ഡ്യൂക്ക് ബൈക്കുമായി കൂട്ടിയിടിക്കുകയായിരുന്നു. ഉടനെ കൊയിലാണ്ടി താലൂക്ക് ആശുപത്രിയിൽ എത്തിച്ച ശേഷം കോഴിക്കോട് മെഡിക്കൽ കോളേജിലേക്ക് മാറ്റി. വെൻ്റിലേറ്ററിൽ കഴിഞ്ഞ സുബിലാഷ് ഇന്ന് പുലർച്ചെ നാല് മണിയോടുകൂടിയാണ് മരിച്ചത്.
കൊയിലാണ്ടി ആപ്തമിത്രയിൽ സിവിൽ ഡിഫൻസ് അംഗം കൂടെയാണ് സുബിലാഷ്.
അച്ഛൻ: വാസു
അമ്മ: ലീല
ഭാര്യ: വിധു
മകൻ: ധാൻവിക്
സഹോദരൻ: സുധി