കോഴിക്കോട്കുറ്റ്യാടി: കടുത്ത ചൂടിന് ആശ്വാസമായി കുറ്റ്യാടിയും പരിസര പ്രദേശങ്ങളിലും ശക്തമായ വേനൽമഴ ലഭിച്ചു. ഇന്ന് ഉച്ചയ്ക്ക് 3.30-ഓടെ ആരംഭിച്ച മഴയോടൊപ്പം ശക്തമായ കാറ്റും ഇടിമിന്നലും അനുഭവപ്പെട്ടു. കുറ്റ്യാടി, തൊട്ടിൽപ്പാലം, മരുതോങ്കര തുടങ്ങിയ മലയോര മേഖലകളിലാണ് പ്രധാനമായും മഴ ലഭിച്ചത്.
മഴയ്ക്കൊപ്പം വീശിയടിച്ച ശക്തമായ കാറ്റിൽ പലയിടങ്ങളിലും വ്യാപകമായ നാശനഷ്ടങ്ങൾ റിപ്പോർട്ട് ചെയ്തിട്ടുണ്ട്.
ഇടിമിന്നൽ ജാഗ്രത: മഴയ്ക്കൊപ്പം ശക്തമായ ഇടിമിന്നൽ തുടരുന്നതിനാൽ മലയോര മേഖലയിലുള്ളവർ ജാഗ്രത പാലിക്കണമെന്ന് അധികൃതർ നിർദ്ദേശിച്ചു.
കടുത്ത വേനലിൽ ഉരുകുകയായിരുന്ന മലയോര മേഖലയ്ക്ക് ഈ മഴ വലിയ ആശ്വാസമാണ് പകരുന്നത്. നിലവിൽ മഴ ശമിച്ചിട്ടുണ്ടെങ്കിലും കാറ്റിലും മിന്നലിലും തകർന്ന വൈദ്യുതി ലൈനുകൾ പുനഃസ്ഥാപിക്കാനുള്ള ശ്രമങ്ങൾ നടന്നുവരികയാണ്.