കണ്ണൂർ തളിപ്പറമ്പ്: വിവാഹം കഴിഞ്ഞ് നാലാം മാസം നവവധുവായ നൃത്താധ്യാപികയെ ഭർതൃവീട്ടിൽ മരിച്ച നിലയിൽ കണ്ടെത്തി. കരിമ്പത്തെ ആകാശ് മോഹന്റെ ഭാര്യ സാന്ദ്രതാര (22) ആണ് മരിച്ചത്. ഭർതൃവീട്ടിലെ കിടപ്പുമുറിയിലെ ജനൽ കമ്പിയിൽ തൂങ്ങിമരിച്ച നിലയിലാണ് ഇന്നലെ വൈകുന്നേരം അഞ്ചരയോടെ സാന്ദ്രതാരയെ കണ്ടെത്തിയത്. രമേശൻ-താര ദമ്പതികളുടെ മകളാണ്.
നാല് മാസം മുൻപായിരുന്നു ഇവരുടെ വിവാഹം നടന്നത്. നിലവിൽ മൃതദേഹം പരിയാരത്തെ കണ്ണൂർ ഗവ. മെഡിക്കൽ കോളേജ് മോർച്ചറിയിലേക്ക് മാറ്റിയിരിക്കുകയാണ്.
കൊല്ലം സ്വദേശികളായ സാന്ദ്രതാരയുടെ കുടുംബം മുൻപ് തളിയിലാണ് താമസിച്ചിരുന്നത്. ഇപ്പോൾ ബാവുപ്പറമ്പിലാണ് താമസം. സൂര്യജിത്ത് ഏക സഹോദരനാണ്. മരണത്തിലേക്ക് നയിച്ച കാരണത്തെക്കുറിച്ച് പോലീസ് അന്വേഷണം ആരംഭിച്ചിട്ടുണ്ട്.