മലപ്പുറം അരീക്കോട്: വീടിനടുത്തുള്ള കുളത്തിൽ കുളിക്കാനിറങ്ങിയ സഹോദരങ്ങളായ വിദ്യാർത്ഥികൾ മുങ്ങിമരിച്ചു. ചോലയിൽ വീട്ടിൽ അലിയുടെ മക്കളായ അഫിയ (നാലാം ക്ലാസ്), അഫ്നാൻ (മൂന്നാം ക്ലാസ്) എന്നിവരാണ് ദാരുണമായി മരണപ്പെട്ടത്.
സ്കൂൾ വിട്ടു വന്ന ശേഷം കുട്ടികളെ കാണാതാവുകയായിരുന്നു. തുടർന്ന് വീട്ടുകാരും നാട്ടുകാരും ചേർന്ന് നടത്തിയ തെരച്ചിലിലാണ് കുളത്തിൽ നിന്നും കുട്ടികളുടെ മൃതദേഹങ്ങൾ കണ്ടെത്തിയത്. മൃതദേഹങ്ങൾ പോസ്റ്റ്മോർട്ടം നടപടികൾക്കായി മഞ്ചേരി മെഡിക്കൽ കോളേജ് മോർച്ചറിയിലേക്ക് മാറ്റി.
നാടാകെ കണ്ണീരിലാഴ്ത്തിയ ഈ വേർപാടിൽ ആദരാഞ്ജലികൾ അർപ്പിക്കുന്നു.
അടിയന്തര മുന്നറിയിപ്പ്:
മഴക്കാലമായതിനാൽ പരിസരത്തെ കുളങ്ങളും ജലാശയങ്ങളും അപകടകരമായി നിറഞ്ഞിരിക്കുകയാണ്. കുട്ടികൾ ഇത്തരം ജലാശയങ്ങളിലേക്ക് ഒറ്റയ്ക്ക് പോകുന്നത് കർശനമായി ഒഴിവാക്കാൻ രക്ഷിതാക്കൾ ശ്രദ്ധിക്കുമല്ലോ. ജാഗ്രത പാലിക്കുക.