പുനലൂർ: പുനലൂർ - മൂവാറ്റുപുഴ സംസ്ഥാനപാതയിൽ കലഞ്ഞൂർ മൂഴിയിൽ ലോറിയും ബൈക്കും കൂട്ടിയിടിച്ചുണ്ടായ ശക്തമായ അപകടത്തിൽ ബൈക്ക് യാത്രികൻ ദാരുണമായി മരിച്ചു. കുന്നിക്കോട് വിളക്കൂടി സ്വദേശി അജയകുമാർ (42) ആണ് മരിച്ചത്.
ഇന്ന് വൈകുന്നേരത്തോടെയാണ് നാടിനെ നടുക്കിയ ഈ അപകടം സംഭവിച്ചത്. സംഭവസ്ഥലത്ത് വെച്ചുതന്നെ അജയകുമാറിന്റെ ജീവൻ നഷ്ടപ്പെടുകയായിരുന്നു. വിവരമറിഞ്ഞ ഉടൻ തന്നെ പോലീസും രക്ഷാപ്രവർത്തകരും സ്ഥലത്തെത്തി ആവശ്യമായ നടപടികൾ സ്വീകരിച്ചു.
അപകടത്തെ തുടർന്ന് സംസ്ഥാനപാതയിൽ ചെറിയ തോതിൽ ഗതാഗത തടസ്സമുണ്ടായെങ്കിലും പിന്നീട് പോലീസ് എത്തി ഗതാഗതം പുനഃസ്ഥാപിച്ചു. അകാലത്തിൽ വേർപിരിഞ്ഞ അജയകുമാറിന്റെ വേർപാടിൽ കുടുംബത്തിന്റെയും നാടിന്റെയും ദുഃഖത്തിൽ ആക്സിഡന്റ് റെസ്ക്യൂ 24x7 കൂട്ടായ്മയും പങ്കുചേരുന്നു.