കൊച്ചി: നഗരത്തിൽ ടാങ്കർ ലോറിയും സ്കൂട്ടറും കൂട്ടിയിടിച്ച് സ്കൂട്ടർ യാത്രികൻ മരിച്ചു. കൊല്ലം ഓച്ചിറ സ്വദേശി ബിനു (48) ആണ് മരിച്ചത്. സ്കൂട്ടറിലുണ്ടായിരുന്ന പ്രീതിയെ ഗുരുതര പരിക്കുകളോടെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
എറണാകുളം ഹൈക്കോടതി കവലയ്ക്ക് സമീപമാണ് അപകടമുണ്ടായത്. മേനക ഭാഗത്തുനിന്ന് വന്ന ടാങ്കർ ലോറി അശ്രദ്ധമായി കലൂർ ഭാഗത്തേക്ക് തിരിക്കുന്നതിനിടെ സ്കൂട്ടറിൽ ഇടിക്കുകയായിരുന്നുവെന്ന് ദൃക്സാക്ഷികൾ പറഞ്ഞു. സംഭവത്തിൽ ലോറി ഡ്രൈവർ അരൂർ സ്വദേശി റഫീഖിനെതിരെ പോലീസ് കേസെടുത്തു.