തൃശ്ശൂർ: തൃശ്ശൂർ നെല്ലിക്കുന്നിൽ ഓട്ടോറിക്ഷയും സ്വകാര്യ ബസും കൂട്ടിയിടിച്ചുണ്ടായ ദാരുണമായ അപകടത്തിൽ ഓട്ടോ ഡ്രൈവർ മരിച്ചു. നെല്ലിക്കുന്ന് സ്വദേശി സി.വി. സിൽജൻ (50) ആണ് മരണപ്പെട്ടത്.
ഇന്ന് രാത്രി എട്ടുമണിയോടെയായിരുന്നു അപകടം നടന്നത്. നിയന്ത്രണം വിട്ട ഓട്ടോറിക്ഷയും സ്വകാര്യ ബസും തമ്മിൽ കൂട്ടിയിടിക്കുകയായിരുന്നു. അപകടത്തിൽ ഗുരുതരമായി പരിക്കേറ്റ സിൽജനെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
നാട്ടുകാർക്കും പരിചയക്കാർക്കും പ്രിയങ്കരനായ സിൽജന്റെ അപ്രതീക്ഷിത വിയോഗം നെല്ലിക്കുന്നിൽ തീരാദുഃഖം പടർത്തിയിട്ടുണ്ട്. പോലീസെത്തി മേൽനടപടികൾ സ്വീകരിച്ചു.