​കൊച്ചിയിൽ ടാങ്കർ ലോറിയിടിച്ച് സ്കൂട്ടർ യാത്രികൻ മരിച്ചു



​കൊച്ചി: ഇന്ധന ടാങ്കർ ലോറിയിടിച്ച് സ്കൂട്ടർ യാത്രികൻ മരിച്ചു. ചന്തിരൂർ കണ്ടത്തിൽപറമ്പിൽ നാരായണൻകുട്ടി (65) ആണ് മരിച്ചത്. ഇൻഡസ്ട്രിയൽ ഗ്യാസ് വിതരണ സ്ഥാപനമായ ഇരുമ്പനം എ.കെ. ഗ്യാസ് ഏജൻസീസ് ഉടമയാണ്.

​ജോലി കഴിഞ്ഞ് വീട്ടിലേക്ക് മടങ്ങുന്നതിനിടെ എറണാകുളം മരട് കൊട്ടാരം ജംക്ഷനിലെ വളവിലായിരുന്നു അപകടം. ഇരുമ്പനത്തു നിന്ന് ഇന്ധനം നിറച്ചു പോകുകയായിരുന്ന ടാങ്കർ ലോറി നാരായണൻകുട്ടി സഞ്ചരിച്ചിരുന്ന സ്കൂട്ടറിൽ ഇടിക്കുകയായിരുന്നു.

​ഭാര്യ: പ്രഭാവതി. മക്കൾ: അഖിൽ, അനന്തു.

Post a Comment

Previous Post Next Post