തിരുവനന്തപുരത്ത് കെഎസ്‌ആര്‍ടിസി ബസുകള്‍ അപകടത്തില്‍പ്പെട്ട് 15 പേര്‍ക്ക് പരിക്ക്
തിരുവനന്തപുരം: നെടുമങ്ങാട് കെഎസ്‌ആര്‍ടിസി ബസുകള്‍ കൂട്ടിയിടിച്ച് 15 പേര്‍ക്ക് പരിക്കേറ്റു. ഒരാള്‍ക്ക് നില ഗുരുതരമാണ്. ഇയാളെ തിരുവന്തപുരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. പരിക്കേറ്റ മറ്റു 14 പേരെ നെടുമങ്ങാട് ജില്ലാ ആശുപത്രിയില്‍ പ്രവേശിപ്പിച്ചു. ഇവര്‍ക്ക് ആര്‍ക്കും സാരമായ പരിക്കില്ല.
തിരുവനന്തപുരത്ത് നിന്നും പൊന്‍മുടിയിലേക്ക് പോയ കെഎസ്‌ആര്‍ടിസി ബസും പാലോട് നിന്നും തിരുവനന്തപുരത്ത് പോയ കെഎസ്‌ആര്‍ടിസി ബസും തമ്മില്‍ കൂട്ടിയിടിച്ചാണ് അപകടമുണ്ടായത്. ഓട്ടോറിക്ഷയെ ഒരു ബസ് ഓവര്‍ടേക്ക് ചെയ്തപോയാണ് അപകടം ഉണ്ടായത്. നെടുമങ്ങാട് വാളിക്കോട് ആണ് സംഭവം.