കാഞ്ഞാര്(ഇടുക്കി): തൊടുപുഴക്ക് സമീപം കുടയത്തൂരില് സംഗമം മാളിയേക്കല് കോളനിക്ക് മുകളില് നിന്ന് ഉരുള് പൊട്ടി
ചിറ്റടിചാലില് സോമന്റെ വീട് പൂര്ണമായും ഒലിച്ചു പോയി. കുടുംബം ഉറങ്ങിക്കിടക്കുമ്ബോഴാണ് പുലര്ച്ചെ അപകടമുണ്ടായത്.
രണ്ട് പേരുടെ മൃതദേഹം കണ്ടെടുത്തു. സോമന്്റെ അമ്മ തങ്കമ്മ, സോമന്റെ കൊച്ചുമകന് ദേവാനന്ദ് (4) എന്നിവരുടെ മൃതദേഹമാണ് കണ്ടെടുത്തത്.
സോമന്, സോമന്്റെ ഭാര്യ ഷിജി, മകള് ഷിമ എന്നിവരെയാണ് കണ്ടെത്താനുള്ളത്. ഫയര് ഫോഴ്സും, നാട്ടുകാരും തിരച്ചില് നടത്തുന്നു.
രാത്രി ഇവിടെ തുടര്ച്ചയായി മഴ പെയ്തിരുന്നു. പുലര്ച്ചെയാണ് ഉരുള്പ്പൊട്ടിയത്.
