കൊല്ലം വിവാഹം രജിസ്റ്റര് ചെയ്യാന് യുവാവ് എത്താതിന്റെ മനോവിഷമത്തില് യുവതി ജീവനൊടുക്കി. മണ്ണൂര് മധു ഭവനില് ധന്യ(23)യെയാണ് വീട്ടില് മരിച്ചനിലയില് കണ്ടെത്തിയത്.
വീട്ടിലെ കിടപ്പുമുറിയിലെ ഫാനില് തൂങ്ങിമരിച്ച നിലയില് കണ്ടെത്തുകയായിരുന്നു.
മണ്ണൂര് കാട്ടാമ്ബള്ളി സ്വദേശിയായ യുവാവുമായി ഒരു വര്ഷത്തിലേറെയായി ധന്യ പ്രണയത്തിലായിരുന്നു. കഴിഞ്ഞ ഏതാനും ദിവസങ്ങള്ക്ക് മുന്പ് ധന്യയെ വീട്ടില് നിന്ന് കാണതായിരുന്നു. തുടര്ന്ന് യുവതിയെ യുവാവിനൊപ്പം കണ്ടെത്തിയിരുന്നു. ധന്യയെ വിവഹം ചെയ്യാമെന്ന് പൊലീസിന്റെ സാന്നിധ്യത്തില് യുവാവ് സമ്മതിച്ചിരുന്നു
എന്നാല് ധന്യയും വീട്ടുകാരും വിവാഹം റജിസ്റ്റര് ചെയ്യുന്നതിനുവേണ്ടി എത്തിയെങ്കിലും യുവാവ് എത്തിയില്ല. ഫോണില് വിളിച്ചിട്ടും യുവാവിനെ കിട്ടിയില്ല. ഇതിന്റെ മനോവിഷമത്തില് യുവതി ആത്മഹത്യ ചെയ്തെന്നാണ് പ്രാഥമിക നിഗമനം. യുവതിയുടെ അമ്മ വിദേശത്തായതിനാല് ബന്ധുക്കളോടൊപ്പമായിരുന്നു ധന്യയുടെ താമസം.