കോഴിക്കോട് നന്തി ബസാർ ദേശീയപാതയിൽ നന്തി മേൽപാലത്തിലെ ഗട്ടറിൽ സ്കൂട്ടർ തെന്നി, തെറിച്ചു വീണ് യുവതി മരിച്ചു. ഭർത്താവിനൊപ്പം സ്കൂട്ടറിൽ സഞ്ചരിക്കുകയായിരുന്ന ഉള്ളൂരി കക്കഞ്ചേരി കൊല്ലോറത്ത് സജിത (41) ആണ് മരിച്ചത്. ഇന്ന് ഉച്ചയ്ക്ക് 2 മണിയോടെയാണ് സംഭവം.
മേൽപ്പാലത്തിലൂടെ സഞ്ചരിക്കുന്നതിനിടയിൽ ഗട്ടറിൽ വീണ് സ്കൂട്ടറിന് പിറകിൽ നിന്നും സജിത റോഡിലേക്ക് തെറിച്ചു വീഴുകയായിരുന്നു. ഉടൻ സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാൻ കഴിഞ്ഞില്ല. മൃതദേഹം കൊയിലാണ്ടി ഗവ.ആശുപത്രി മോർച്ചറിയിലേക്ക് മാറ്റി.
ഭർത്താവ്: വേലായുധൻ (പ്ലാൻ എസ്റ്റിമേറ്റർ), മക്കൾ: അമേയ, അനൽ. പിതാവ്: വേലായുധൻ. മാതാവ്: സുശീല. സഹോദരങ്ങൾ: വിജിത (കൊളത്തൂർ), ഷൽന (കൊടശ്ശേരി). നന്തിയിലെ മരണവീട്ടിൽ വന്ന് ഉള്ളേരിയിലേക്ക് പോകുന്നതിനിടെയായിരുന്നു അപകടം