റോഡ് മുറിച്ചു കടക്കുന്നതിനിടെ ബൈക്കിടിച്ച് മദ്രസ്സ വിദ്യാർത്ഥിനികൾക്കും ബൈക്ക് യാത്രികനും പരിക്ക്.

തൃശ്ശൂർ  ചാവക്കാട് പൊന്നാനി ദേശീയപാതയിലെ അകലാട് അഞ്ചാംകല്ല് മദ്രസ്സക്ക് മുൻപിൽ റോഡ് മുറിച്ചു കടക്കുകയായിരുന്ന മദ്രസ്സ വിദ്യാർത്ഥിനികളെ ബൈക്കിടിച്ചാണ് അപകടം ഉണ്ടായത്.

അപകടത്തിൽ പരിക്കുപറ്റിയ വിദ്യാർത്ഥിനികളും ഒറ്റയ്നി സ്വദേശികളുമായ തറയിലകായിൽ ആയിശ (8), കുടപ്പറമ്പിൽ മിൻഹ (8), ബൈക്ക് യാത്രികൻ മന്ദലാംകുന്ന് കിണർ സ്വദേശി വീട്ടിലവളപ്പിൽ ഷാഹിദ് (31)എന്നിവരെ അകലാട് മുന്നൈനി വി - കെയർ, നബവി എന്നീ ആംബുലൻസ് പ്രവർത്തകർ ചേർന്ന് ചാവക്കാട് ഹയാത്ത് ആശുപത്രിയിലും, തുടർന്ന് വിദഗ്‌ധ ചികിത്സക്കായി ആയിശ എന്ന കുട്ടിയെ നബവി ആംബുലൻസിൽ തൃശൂർ അമല ആശുപത്രിയിലും പ്രവേശിപ്പിച്ചു .